සොඳුර නුඹ මට මව් වෙයන් - මතු උපදිනා දින බව කුසේ…

සොඳුර නුඹ මට මව් වෙයන්
මතු උපදිනා දින බව කුසේ…
බිරිඳ වී මගේ වින්ද දුක් ගිනි
නිවාලන්නට පව් ගෙවන්නට…


දුකේ සැපතේ එක ලෙසේ
පණනල ලෙසේ මා ලඟ ‍රැදී…
සොඳුර නුඹ මට මව් වෙයන්
මතු උපදිනා දින බව කුසේ…


හදට දුක් ගිනි කිසිත් නොමදී
නුඹ රකින්නට ණය ගෙවන්නට…
සොඳුර නුඹ මට මව් වෙයන්
මතු උපදිනා දින බව කුසේ…


වික්ටර් රත්නායක

රෝස මල් යායේ - රෝස කුමාරියේ

රෝස මල් යායේ
රෝස කුමාරියේ
ඔබ මගෙයි
මා ඔබෙයි
ප්‍රේම ගී රාවේ
පාවේ සීත කඳු තීරේ

රෝස තොල් පෙති සැළි සැළී
කීව රහසයි ආදරේ
රෝස මල් සේ මල් පිපේ... මා ළයේ
ආදරේ නිසා සුන්දරයි මේ ජීවිතේ

සීත පවනැළි ඇදී ඇදී
රෝස දෙකොපුළ් සිඹින්නේ
ඒ වගේ මා ළංවෙලා ..කුමරියේ
හාදුවක් පුදා ගයන්නද ගී ආදරේ

Kasun Kalhara

අහසින් බසින් සඳමඩලින් බසින්

අහසින් බසින් සඳමඩලින් බසින්
මිනිසුන් මැද පුතුනේ මිහිමඩලේ හිඳින්
කඳුළු සුසුම් විඳ මුවහත් වෙමින්
රට වෙනුවෙන් දැය වෙනුවෙන් නොසැලී ඉදින්..

සුපසන් නොවේ ලොව නුඹ මේ උපන්
නුවනින් වැඩී ලොව සුපසන් කරන්
විරවුන් ලෙසින් රුදු රණබිම් මැදින්
නුඹ ඒ ගමන් මඟ ඉදිවේ බලන්..

දෙවියන් නොවේ නිති අසලින් නොවේ
දිරියන් ගතේ ඉටු දෙවියන් මැවේ
ජය පැන් වඩන් දහදිය වැල් වලින්
නුඹගේය ඒ නව ලොව පුංචි පුතුන්..

ගායනය - විශාරද නන්දා මාලනී
පබැදුම- සුනිල් ආරියරත්න
ගී තනු- සරත් දසනායක

ලොව විසල් නෙත් ඉදිරියේ අපි නාඳුනන දෙදෙනෙක්

ලොව විසල් නෙත් ඉදිරියේ අපි නාඳුනන දෙදෙනෙක්
මුව කොණින්වත් සිනා නොසලන නාඳුනන දෙදෙනෙක්
මොහොතකට ඔව් මොහොතකට අපි නාඳුනන දෙදෙනෙක්

දෙනෝදාහක් නුවන් හමුවේ නෙතු අගින්වත් නොබලනා
නිහඬ ප්‍රේමයෙ සුපෙම් සිතුවිලි මහද ලතවෙයි ඔබ නිසා
සදාකල්හි ම ලොව විසල් නෙත් ඉදිරියේ
අපි නාඳුනන දෙදෙනෙක්

ලොව විසල් ....................

ඔබද තනිවී මමද තනිවී මල් වසන්තය නිමවුණා
බැඳුණු සීමා පවුරු අතරේ ප්‍රේමයත් වියපත් වුණා
එසේ වූවද ලොව විසල් නෙත් ඉදිරියේ
අපි නාඳුනන දෙදෙනෙක්

ලොව විසල් ....................


ගායනය :- දයාන් විතාරණ

අහස් ගැඹේ තරුකැට ගානේ

අහස් ගැඹේ තරුකැට ගානේ
පොළෝ තලේ වැලිකැට ගානේ
නිල් සයුරේ රළ පෙළ ගානේ
ආදරෙයි මං ආදරෙයි

වදුළු සිරස පිපි මල් ගානේ
විහඟ තුඩක කිචි බිචි ගානේ
සිහින සිඹින මද නල ගානේ
ආදරෙයි මං ආදරෙයි

අහස් ගැඹේ .................

පිපෙන මියෙන හිරු සඳු ගානේ
සිතෙහි පිරෙන සිතිවිලි ගානේ
සිහින ගෙනෙන හැම රෑ ගානේ
ආදරෙයි මං ආදරෙයි

අහස් ගැඹේ .................


ගායනය :- චරිතා ප්‍රියදර්ශනී පීරිස්

බුදුබණක් කියන්නට පුතු ගෙදර ඇවිල්ලා

බුදුබණක් කියන්නට පුතු ගෙදර ඇවිල්ලා
බුදු සුවඳ බුදු එළිය පැළ පුරා ඉහිරිලා
බුදු පුතේ නුඹ දිනෙක බුදුවෙයන් කියාලා
නියත විවරණ දෙන්න යමු මැ‍ණිකෙ නැගිටලා

හැබැයි ඉස්සර වගේ මගෙ පුතේ කියාලා
තුරුළු කර ගන්නනම් එපා ඉක්මන් වෙලා
බත් කටක් කවන්නට හිත දියන් ලංවෙලා
එපා සිල් ඇවැත් වෙයි මවු සෙනෙහෙ සිහිවෙලා

බණ කතා කියන පුත හුරතලෙන් මුව විදා
කඳුළු පිස දික නිවෙන බණ අසමු නෙතු පියා
හැඟුම් නැති සිතින් පුතු දකින්නට දිරි පතා
අපිත් විවරණ ලබමු වැටී වැඳ පුතු දෙපා

බුදුබණක් කියන්නට ............


ගායනය :- එඩ්වඩ් ජයකොඩි

මිනින්දෝරු කන්තෝරුවෙ මුලාදෑණි ටික

මිනින්දෝරු කන්තෝරුවෙ මුලාදෑණි ටික
සුදු බණ්ඩි මගේ නිදා ඉන්න ඉඩම මනිනව ද
ඈ ඇහැ අරේවි යන්න හොඳයි දම්වැල් අරගෙන
තරහ අවසරයි යනව ද දම්වැල් අරගෙන

පිං ‍කුඹුරු නෙළන කාලෙට මට හීල අරන් එන
හිස විසාධියට තෙල් උලලා තොන්තුවා‍ වෙන
රත්තරන් දෑත සුදු බණ්ඩිගෙ දෙනියේ පස් යට

මිනින්දෝරු කන්තෝරුවෙ ........

දෙයි හාමුදුරුවො දන්නවනම් දැන් ඈ නැති වග
තෙල් පාන වුණත් නිවා දමයි සංහිඳ පාමුල
වාවන් නෑ මේ දුරුත්ත සංසාරේ තනි මට

මිනින්දෝරු කන්තෝරුවෙ ........


ගායනය :- කරුණාරත්න දිවුල්ගනේ

සුදු හාමිනේ නුඹ කොතැනද අද දවසේ

සුදු හාමිනේ නුඹ කොතැනද අද දවසේ
දීගෙක ගිහින් දරු පිරිවර මැද සුවසේ
ලේලිය කැටුව මගෙ පුතු වෙන් විය රහසේ
මං විතරයි තනියම දැන් මගෙ නිවසේ

උඹලගෙ තාත්තා ඇත දුර බලාගෙන
කවදා දූ-පුතුන් ඒදැයි පතාගෙන
වේවැල් කැඩුනු පුටුවේ වක ගසාගෙන
මං ඉන්නවා නෙතු කඳුළැල් දරාගෙන

දරුවන් ඇඳුම් ඇඟැලුම් ගෙන සිඹින්නෙමි
මනසින් එදා කෙළි සෙල්ලම් දකින්නෙමි
මරණය දොරකඩට සපැමිණ සිටින්නෙමි
ලේ කිරි පෙවූ දරුවන් දැක මියෙන්නෙමි


-නන්දා මාලිනි-

උදේ හවා මල් පිදුවට බුදු කුටියේ

උදේ හවා මල් පිදුවට බුදු කුටියේ
අපි නිවන් යන්නෙ කොහොම ද ම‍ගෙ පොඩි මැණිකේ
අපේ පැටව් ගියත් ගමේ නන්නත්‍තාරේ
පුලුවන් ද මැණිකෙ නිවන් යන්න පැටව් පව් අපේ

කැලෑසියෙන් කැලෑසියට යන්නට ඉහලට
කොලීජියෙන් කොලීජියට දැම්මත් ලොකුවට
අපි මොනව කරන්න ද මැණිකේ අපේ කරුමෙට
නැහැදිච්ච එවුන් වුණේ අනේ අපේ පැටව් ම ද

උදේ හවා මල් පිදුවට .....

බත් මුට්ටිය තරහ වුණත් මොනව කරන්න ද
බත් ගිලෙන්නෙ නෑ මැණිකෙ මගේ උගුරෙන් පහලට
නෑදිච්ච එවුන් වුණත් අපේ දරුවො මරණ්න ද
අපි උන්ව නිවන් අරිමු මැණිකෙ දීල අපේ පිණ

උදේ හවා මල් පිදුවට .....


ගායනය :- අසංග ප්‍රියමන්ත පීරිස්

ළමා වියේ කිරි සුවඳ ගියේ නැති

ළමා වියේ කිරි සුවඳ ගියේ නැති
ළමා වියේදී කසාවතක් හැඳ
පොඩි හාමුදුරුවො පුංචිම කාලේ
තනියම හිතිලද මහණ වුනේ

සසර පුරුද්දක් හිතේ තියෙන්නැති
පෙර සංසාරේ පිං කරලා ඇති
පොඩි හාමුදුරුවො පුංචිම කාලේ
තනියම හිතිලද මහණ වුනේ

ළමා වියේ කිරි සුවඳ ගියේ...

පොඩි හාමුදුරුවො වාගේ සුරතල්
පුංචි ළමුන්ගේ කෙලි සෙල්ලම් දැක
සන්සුන් ගමනින් කොහෙද වඩින්නේ
සෙල්ලම් පිට්ටනි පසුකරලා

ළමා වියේ කිරි සුවඳ ගියේ...

ගායනය : මාලනී බුලත්සිංහල

එපා යළි හමුවන්න ජීවිතේ ගමන් මඟ - ඔබෙන් මට උරුම වූ වේදනා කඳුළු ගඟ

එපා යළි හමුවන්න ජීවිතේ ගමන් මඟ
ඔබෙන් මට උරුම වූ වේදනා කඳුළු ගඟ
හිරු සිනාසෙන ලොවක පැතුම් මල්‍ දෙවැට ළඟ
ඔබේ ජීවන සුවඳ අරන් ඈතට යන්න..

සංසාර ගමන් මඟ සෙනෙහස සොයා දිනක
ආ ගමන නිමා කල ඔබේ හදවත ගාව

සංසාරයේ යළිදු නවාතැන් සොයායන
මගේ මළගමදාට ඇවිත් යන්නට එන්න..

~සුනිල් එදිරිසිංහ~

අහසයි ඔබ මට නිම් හිම් නොපෙනෙන හිනිමන් බදිනු බැරි.....

අහසයි ඔබ මට නිම් හිම් නොපෙනෙන
හිනිමන් බදිනු බැරි.....
පොළොවයි ඔබ මට තරුවක් විලසට
රෑකල පතිත වෙමි.....

ගඟේ වතුර නෑ ඉහලට ගලා ගියේ.....
අසනි හඩින් නෑ කදුබිම් සසල වුනේ.....
ගඟ කවදා හෝ මුවදොර හමුවෙනවා.....
ලොව කැළඹුන දා කදුබිම් හැකිලෙනවා.....


‍අනාත සයුරක වැහිදිය දෝත ඔබයි.....
අගාත අඳුරක දොල රන් සිළුව ඔබයි.....
ඔබ මට ලඟ බව ඉදුරා මම දනිමි.....
ඔබ වට කහවනු පවුරට මහ දුරකි.....

Deepika priyadarshani  & Sunil Edirisinghe

සිත්තම් කරමින් මනසේ... ඔබෙ රුව

සිත්තම් කරමින් මනසේ... ඔබෙ රුව
කවදා හෝ.. යලි දකින තුරා..
රැව් පිළි රැව් දී.. ඇසෙන ඔබේ හඩ
යළි මගෙ සවනත වැකෙන තුරා....
විදින්න දුන් ජීවිතය අරන් මම
විදවන්නද මේ....
භවය පුරා.......

දෙලොවක් අතරේ.. සරන ඔබේ සිත
මෙතරම් සසලෙන්නැතුව අතී...
ඔබ මගෙ මුළු ලොකය නිසා මට
වැඩියෙන් දුක දැනෙනවා ඇතී..
විදින්න දුන් ජීවිතය අරන් මම
විදවන්නද මේ....
භවය පුරා.......

භවයෙන් භවයේ.. අහිමිව හිමි වන
නොපිරූ පරමිතාව පුරා..
සමු ගනිමුද අපි අපේම වූ මතු
භවයක යලි හමුවෙමුයි පතා...
විදින්න දුන් ජීවිතය අරන් මම
විදවන්නද මේ....
භවය පුරා.......

ගායනය: දයාන් විතාරණ

ඔය ඇස් පියාන ඔ‍හොම - ඉන්න ‍රහසක් තියනව කියන්න

ඔය ඇස් පියාන ඔ‍හොම ඉන්න
‍රහසක් තියනව කියන්න
රහස ඉවර වුණත් එපා
මං යනතුරු ඇස් අරින්න

ලැජ්ජයි බයයි ගැහෙයි
හදවත දෙතොල වියලිලා
දෑත සීතලයි සිහියත් අඩක් අඩුවෙලා
වැඩක් පලක් කරන්න බැරි
නින්ද ඇතත් නිදන්න බැරි
මේ අරුමය ද ආදරේ

ඔය ඇස් පියාන .....

ස්නේහෙන් නුවන් සැලෙන
පිළිතුරු ඔබෙන් එනතුරා
ප්‍රේම කෝඩුවෙන් තනිවෙයි
හදත් ගොළුවෙලා
මාන්නයට හඬන්න බැරි
තව කෙනෙකුට කියන්න බැරි
මට නොලැබේ ද ආදරේ

ඔය ඇස් පියාන .....

ගායනය :- කිත්සිරි ජයසේකර

මන්දාරම් අදුර මැදින් - හිරිපොද වැහි වැටෙන වෙලේ

මන්දාරම් අදුර මැදින්
හිරිපොද වැහි වැටෙන වෙලේ
මා හා ඇවිදන් යන්නට
ඔබ සිටියා නම් //

තනිවම වත් යන්නට මදි
කුඩේ යටින් ඔබේ ලගින්
නොතෙමී තෙමි තෙමි සතුටින්
යන්නට තිබුනා ///

මග යන එන අයට හොරෙන්
ඔබෙ දෑසට එබී බලා
කොපුලේ වැහි බිදුවක රස
බලන්න තිබුනා///

Krishantha Erandaka

ආදරය සුන්දර වරදකි....

ආදරය සුන්දර වරදකි....
කිසිදා සමාවක් නම් නැති....
මට පෙන්නලා ආලේ හැටි....
නුඹ දුන්නු දුක හොදටම ඇති....

ඉදුවර නුවන් දෑලේ වැටී පෑහී....
දැහැනේ වෙලී උම්මාද වූයේ මා....
වෙනකෙකු දිහා බැලුමට යලි....
මට නෙත් නැතැයි කෙදිරුවේ කව්රුන්දෝ....


ආදරය සුන්දර වරදකි....

පුළුලුරු තලා වීණා බදේ දැවටී....
රතැගිලි බැදී නිම්නාදයේ අනුරා....
හද ස්වර තලා කම්පිත වෙවී....
මට මා පවා නැති කලේ කව්රුන්දෝ....

ආදරය සුන්දර වරදකි....

ගායකයා කරුණාරත්න දිවුල්ගණේ

source 

මා දෑසෙ වේදනා - ඔබේ දැසෙ පෙම් සිනා

මා දෑසෙ වේදනා
ඔබේ දැසෙ පෙම් සිනා
එනමුදු මගෙ හදෙ
නැත වෛර චේතනා..
පෙරදා ඔබෙන් මෙමා..
ලැබු නුහුරු කල්පනා..
සාගරය සේ එදා...
ආදරය ගොනු කලා..//

එ සිහින මව මවා..
මා දැස තෙත් කලා..

මා ගයන ගීතයෙ..
රාවෙ ගුවනින් ඇසෙ..
එ සො සුසුම් තුලින්..
ඔය දැස තෙත් කලෙ..//

මෙ ගීය ගැයුවෙ මා
ඔබ රිදවනු නොවෙ....

ගායනය රොයි පිරිස්

source 

සිහිනෙන් පවා රෑ රැඳුණත් - සිතේ මට හිමි නොවේ ඔබෙ ආදරේ

සිහිනෙන් පවා රෑ රැඳුණත් සිතේ
මට හිමි නොවේ ඔබෙ ආදරේ
කඳුළැල් කතාවේ ඔහු හා ඔබේ
සුසුමකි විලාසේ ඉන්නම් මෙසේ

සෙනෙහස පුදාලා ඔහු හට ඔබේ
සුසුමක්‌ වුණා යෑයි ඔබ කී දිනේ
ඔබ හා දයාවෙන් බැඳුණත් සිතේ
අසරණ වුණේ මා ඔබේ ආදරෙන්

අවනත නොවූවත් ඔහු ඔබෙ ලොවේ
ඔබ ආදරේමයි මා ඇයට සේ
හිමිකම් නොකීවත් අහිමි සෙනේ
දැකුමෙන් ඔබේ රූ සැනසුම් ගෙනේ

පද රචනය - විපුල් ධර්මප්‍රිය ජයසේකර
ගායනය හා සංගීතය - විශාරද ෂර්ලි වෛජයන්ත

source 

මේ ප්‍රථම වසන්තයයි

මේ ප්‍රථම වසන්තයයි
දිවි අරණේ මධු මල් පිපෙනා
බිඟුරැව් නැඟෙනා
මේ ප්‍රථම වසන්තයයි

තරු නැඟෙන තුරා නිදිබර අඹරේ
සඳු නැඟෙනතුරා සිටියදි අඳුරේ
ඔබ සුපුන් සඳක්‌ සේ පායා
පහන් රැයක්‌ වී ආවේ

සිත පවස දරා මිරිඟුව අතරේ
දිය පහස පතා සිටියදී කතරේ
ඔබ සිහිල් දොළක්‌ සේ පාවී
වසන්තයක්‌ වී ආවේ

ගායනය :- Sanath Nandasiri

විකසිත පෙම් පොකුරු පියුම්

විකසිත පෙම් පොකුරු පියුම්
ඔබේ පයට පොඩි වී ගියාදෙන්
පතිකුලයට අද මට පිටුපා යන
මගේ සොඳුරු ළඳුනේ...

හිතේ කඳුලු බිඳු රෑ තනි යහනේ
ඉහ ඉද්දර හිඳ ඉකි බිඳිනා සඳ
ආදර සැමරුම් ප්‍රේම පුරාණේ
ඔබට විරහ ගිනි නොගෙනේවා...

තනිකම රජයන පාළු විමානේ
ගොම්මන් කළුවර හඬා වැටෙද්දී
ඔබෙ දිවි අරණේ පැතුම් විජිතයේ
මැණික්‌ පහන් වැට දැල්වේවා..

ගායනය - ඩබ්. ඩී. අමරදේව 

කඳුළ නිවන්නම් නෙත නොතෙමනවා නම්

කඳුළ නිවන්නම් නෙත නොතෙමනවා නම්
තනියට ඉන්නම් තනි නොකරනවා නම්
මතකයෙ ඉන්නම් අමතක නොමවේ නම්
සෙනෙහෙ පුදන්නම් හිත නොරිදනවා නම්

මල් පූදින්නේ දැඟිලි අතරේ
තැලී පෙලී මියෑදෙන්න නොවේ
සෙනෙහෙ පුදන්නේ සෙනේ ලබන්නයි
හිත රිදවුම් සඟවන්න නොවේ

සඳ පායන්නේ හිරු නැති ලෝකේ
ඝනදුර දුරු කරවාලන්නයි
සෙනෙහෙ පුදන්නේ අඳුරේ තනි වූ
හිතකට එළියක්‌ ලැබ දෙන්නයි

පද රචනය - තනුව - අශෝක කෝවිලගේ
ගායනය - ප්‍රියානි ජයසිංහ

ආයෙත් හඩන්න - කදුලක් උනන්න

ආයෙත් හඩන්න
කදුලක් උනන්න
ඇයි අපි මේ හමු වන්නේ

හිමි නැති ඔයාව
හිත යට තියාන
දුක් විදලයි හිත හැදුනේ

ඔබ හින හෙන්න ඔබේ රජ දහනේ
මං තාමත් මගෙ තනි හීනේ
දුප්පත් කමට නෑ හිමි ප්‍රේමේ
ඒ කයි මං ඔබෙන් වෙන් වෙන්නේ

Theekshana Anuradha