කඳුළ නිවන්නම් නෙත නොතෙමනවා නම්
තනියට ඉන්නම් තනි නොකරනවා නම්
මතකයෙ ඉන්නම් අමතක නොමවේ නම්
සෙනෙහෙ පුදන්නම් හිත නොරිදනවා නම්
මල් පූදින්නේ දැඟිලි අතරේ
තැලී පෙලී මියෑදෙන්න නොවේ
සෙනෙහෙ පුදන්නේ සෙනේ ලබන්නයි
හිත රිදවුම් සඟවන්න නොවේ
සඳ පායන්නේ හිරු නැති ලෝකේ
ඝනදුර දුරු කරවාලන්නයි
සෙනෙහෙ පුදන්නේ අඳුරේ තනි වූ
හිතකට එළියක් ලැබ දෙන්නයි
පද රචනය - තනුව - අශෝක කෝවිලගේ
ගායනය - ප්රියානි ජයසිංහ
No comments:
Post a Comment